本地模型人創作 show - Part 5 vs K770i

Andrew July 12th, 2008

今日行過集成, 見到又有「本地模型人創作 show」就好”自然”咁行左個去睇, 無上次part 4咁利害 (可能無左條灣仔茂羅街模型)但係就多左D細細件件既野, 例如BB戰士啦, 而竟然SOG同Revoltech都有(緊係油過而且仲幾靚Tim啦….)

SOG扭蛋

孫權劉備

曹操司馬懿

上面全部相都只係用我部K770i手機影架cha, 我想講既係唔知iphone有無影得咁好呢…如果無都唔知以後用乜野影相! 仲有就係呢部相機係無得zoom既(當然), 所以迫住要隊到好埋影, 所以先有咁好.. 我估如果一開始就用部有得zoom既, 我一定就咁企定定係度影啦….所以幾時都話學影相要用定焦鏡果然無錯!

有用Link:
本地模型人創作 show

我係一個有(人)用o既剪鉗!

Andrew June 29th, 2008

好多好多年前因為對模型既3分鐘熱誠, 拆資百幾個大洋買左個剪鉗, 一盒模型都無砌過就唔見左喇.

好多好多年之後, 砌模型既3分鐘熱誠又返返o黎, 模型買左, 但係因為掛住我個把剪鉗一直都開始唔到.

終於忍唔住買番同一把剪鉗, 一樣都係要百幾個大洋! 一樣係咁靚!

* * * * *

而我今日終於都無無聊聊咁搵左盒BB戰士模型砌左佢, 一個鐘都唔駛就砌好, 中間仲要煮左碗通心粉食 (而碗通心粉入面仲係有哇哇菜既添!)

當然仲要油顏色, 入左D BB戰士既專用筆未到, 到左試下上色先得!!

講你都未必信, 呢個好似係我第一盒(真係砌既)模型, 如果上到色, 就肯定係我既第一次喇!

真係:「我既一大步, 人類既一小步!」

PS 人地砌得有幾靚? 睇下呢度就知喇…: BB三國傳：蜀國又再一次強大了！關平登場！