o車! 七日o者, 可以有幾愛丫….
Andrew October 30th, 2008
- 愛 , 電影
- Comments(0)
Archive for the '電影' Category
Amie - Damien Rice
Andrew September 20th, 2008
有一次, 朋友介紹聽這首歌, 一聽就覺得硬係好似係唔知邊度聰過…
諗完一輪, 呀! 係某套戲! 唔係同一首歌, 但係個mood真係好似…. 再Google一下, 原來真係同一個人唱…
聽完有D想睇多次套戲..雖然已經睇過好多次…
- 聽歌 , 電影
- Comments(0)
Hancock - 街頭超人
Andrew July 16th, 2008
睇之前都有唔少人同我講好睇, 但係估唔到會咁好睇! 當然都有可能係因為睇之前完全唔知講乜 (除左知道Will Smith係一個爛身爛世既超人), 點知有驚喜! 乜野赤壁, 功夫熊貓, 殺神特工真係行埋一邊呀!
我唔講劇情住喇, 等落左晝先! 咁會睇得開心D!
早春物語
Andrew June 19th, 2008
因為無聊, 所以買呢左隻85年既日本片 (其實我買左兩隻, 不過另一隻都係有機會睇左先講). 85年既時候我仲未識得去睇日本電影, 所以一D印像都無. 女主角原田知世我係見過既, 但係認識就唔係咁多.
套戲都算好睇, 起碼唔悶, 廿三年前喎, 唔覺悶, 唔覺老土, 入到戲好難得架喇! 而我仲要覺得幾好睇Tim!
故事簡單D講即係講初戀, 17歲既女主角沖野瞳 (原田知世)因為影相認識42歲既尾川(林隆三), 唔可以話係一見鍾情, 但係總知最後就係鍾意左啦, 食過兩次飯之後突然有一日係沖野瞳過左世既母親舊相簿見到尾川, 先知原來佢地廿年前係戀人, 但係因為尾川要去美國而分手.
沖野瞳因為父親因為公幹而忘記母親忌日, 再加上準備再婚, 而決定繼續忙母當年既一段情…
劇情就算過左咁多年都一D都唔老土, 而且好多地方都好合情合理, 好似沖野瞳因為想尾川知原來佢就係舊情人個女, 而愉愉地放左廿年前既一張相入尾川既公事包, 我個時就已經係到諗:如果俾我? 睇怕要一年半載先會見到. 果然, 最後係沖野瞳忍唔住打電話俾尾川提佢, 佢先知有張咁既相係公事包 (果然全世界既男人都係唔「汁」野架下)!
睇完之後上wikipedia睇原田知世, 原以為佢80年代之後就無乜點拍戲, 原來唔係喎, 而且唔止有, 仲要係差唔多年年都有! 我諗香港8/90年代之後都真係少日本戲上, 唔知買唔買到呢? 有機會去HMV睇下先…
最近角川先驅映晝館返出好多套8, 90年代既既日本電影, 我買左呢套同埋「超能校園美少女」, 睇完Tralier仲想去買埋「探偵物語」因為呢套係咁多套唯一一套我係見過但係未睇過既…. 買o黎睇下先!
Links:
原田知世
舞妓哈哈哈
Andrew June 10th, 2008
呢隻DVD係三幾個星期之前, 係旺角買既, 同場有$40一套既Indiana Jones 1, 2, 3集日版Box Set, 仲有死亡筆記電影1,2隻又係日版既Box set — $20!, 無花無假無字幕, 我都無買, 竟然買左呢套$140既「舞妓哈哈哈!」哈!哈!哈!
買既原因係我記得好似睇Blog既時候有人講過好好睇, 又好似電影節想睇但係無睇, 最後原來兩款都唔係, 只係記錯….>.<
放低左幾個星期, 今日見得得閒閒, 就煲左既喇.
成套戲我只係認得柴崎幸, 其他個D好似認得, 可能係其他戲見過, 但係又up唔出係邊度見過...
基本上係好睇既, 唔係太商業但係又唔會悶, 主角鬼塜(阿部貞夫)最出, 做到「去吧！稻中乒團」個仲誇張感覺, 反面柴崎幸就麻麻地, 最後舞技個造型反而唔夠駒子(小出早織)咁入型入格. 入面D笑位都唔少, 但係就唔係好引到我笑....
反而有一度比較深刻既係主角鬼塜為左要同棒球手內藤貴一郎鬥, 由即食面小職員走左去打棒球(又俾佢做到喎), 點知做到既時候內藤又走左去拍戲, 佢又跟...佢一路跟, 內藤就一路係咁轉, 由拍戲到拳擊到賣拉麵到選市長, 一路跟, 但係又一咁周圍同人講自己唔係同內藤鬥.... 好似我都有過呢仲感覺...係同邊個呢.......?
延伸閱讀:
- 舞妓哈哈哈官方部落格
- 舞妓哈哈哈：純愛狂想 080120
* * * * *
覺唔覺有D明星, 你硬係唔記得幾時開始紅, 明明係第一,二次見, 但係又好熟面口唔知係邊度見過, 我估都係市場策略啦…柴崎幸就係其中一個喇.
我對佢有比較深刻既印像係舊年電影節睇既怪俠多羅羅, 柴崎幸係戲入面做得好好, 起碼我會因為咁想睇返漫畫(雖然仲未), 而都因為咁而家見到柴崎幸會記得佢做過多羅羅但係就點諗都諗唔起原來佢之前都有做過「在世界中心呼喚愛」同「 大逃殺」丫 (唔係睇番Wiki真係唔知…..)
延伸閱讀:
- 忽然爛尾的多羅羅
* * * * *
係屋企附近發現左間漫畫舖, 入面有晒(我估)手塚治虫既書…原來有好多都無睇過, 有D想買晒佢, 但係又唔知放係邊…都係等有地方既時候先啦….
- 漫畫 , 電影
- Comments(0)
The Matrix -> 造型 -> 功夫, 仲有好難食既晚餐
Andrew June 9th, 2008
有無試過無啦啦想返睇某套戲? 即係個D明明睇左九萬幾次, 都係想睇個D呢…
今日就係咁喇, 無啦啦想睇返The Matrix, ok 丫, 聽日又唔駛返工, 睇未睇, 怕你呀?
我估呢個就係點解我會成日買DVD但係都唔覺得o徙喇….
* * * * *
究竟係邊個設計”The Matrix”D造型既呢?, 點解Neo同班友以至D Agents 會咁著架… 肯定唔係過左咁多年之後先覺得佢地D著得唔好睇, 我記得我一開始就有呢個感覺….
但係睇左咁多次套戲都係咁好睇, 你話故事幾重要呢…
會唔會係著得好睇D返而顯得佢地打得唔好睇呢….我估都係…
* * * * *
有無諗過功夫呢樣野好似中國/亞洲地方先有…其實都係打交既方法o者, D鬼佬就好似只係得西洋拳.呀!仲有西洋劍, 無喇, 咁以前佢地點打枚既呢?
定係中國D功夫都係金庸之後先有既呢?
* * * * *
係茶記食左個Dinner, 好難食, 而家仲有少少反胃…
* * * * *
P.S. 你知唔知Neo呢個角色原本係搵Will Smith做, 但係佢要做Wild Wild West所以推左, 再搵Nicolas Cage, 又唔做, 最後先搵奇洛李维斯做! 呢D未叫”The One”囉!
搵Will Smith我都明丫, 尼古拉斯基治!? 唔係掛….
How Nicolas Cage Nearly Starred In ‘The Matrix’ And ‘Lord Of The Rings’
- 牙痛文學 , 花生 , 電影
- Comments(0)
大內密探零零發
Andrew April 5th, 2008
有好多戲, 無論幾有內函都好, 你好明白只要做好資料搜集, 知識廣博少少要寫到一份咁既劇本應該唔難, 但係又有一D戲, 你又真係唔明係點樣寫出o黍既, 就好似大內密探零零發咁, 我次次睇都覺得好神奇….編劇係點寫架….好似黃師傅和嘉玲傾偈個埸, 點諗出o黍架…真係好野!
係google度搵搵下, 俾我搵到呢篇文…嘩, google真係乜都知……
…谷德昭又說，拍戲時，他們都會花大量時間對戲，有時是星爺扮演嘉玲，他則扮演星爺，很多爆肚的戲，亦是在對戲中，思考得來。「戲中有一場無端端出現了黃師傅和嘉玲傾偈，其實是我和阿星對戲時，度出來的，當時我見到現場正在收拾東西的crew全停下來觀看，我們就知道那個戲應該是這樣走的。」…
- 吹水 , 電影
- Comments(0)
