舊情人
Andrew July 5th, 2008
我細個既時侯鍾意過菊池桃子, 係真係會買佢唱片, 相, 寫真集個隻! 我無乜講過俾人知, 不過我估我呀媽實知啦… 有乜野人會日日都播住同一隻唱片, 好喇, 終於等到佢換喇, 就換第二隻但係都係菊池桃子先得架….>.<, 而佢所有既唱片家下都”好似”重係度…好似係….!
話就話會買佢既寫真集, 但係其實都係買過一本, 個時細個邊有咁多錢丫.. 我仲記得個時有一本佢既寫真集, 我好想買, 但係成2000Yen一本, 真係買唔起! 於時我一有時間就會去大丸家居廣埸 (即係而家銅鑼灣LCX個度)睇! 包住晒, 完全無見過入面係點既樣! 一個禮拜起碼睇兩三次! 剩係睇封面, 封底同個2,000Yen既牌, 仲有仲有, 睇下2,000Yen即係幾錢港紙! 無錯, 次次都睇!
前幾個星期係ebay見到有得買! 嘩! $9.99 (終於俾我等到佢平過2,000Yen喇!), 諗都唔諗就買左!今日終於開左o黎睇! 大感動!
講多個祕密你知丫, 我之所以咁鍾意用Nikon機, 100%係因為呢個封面! 無錯, 我肯定係100%因為佢! 因為我次次買機既時候都會諗起我細個既時候同自己講過第日我一定要買Nikon既相機!