完美的每一天

點先算係完美的每一天呢, 我既意思係我想點樣過我既每一日呢?
我估大至上應該係咁:
平日: 十點前起身, 洗個面刷個牙食d野, 如果唔係冬天又無落雨就落去屋苑個泳池遊水, 遊一個鐘, 點辛苦都要遊到一個鐘! (如果冬天or落雨呢…amm…未諗到, 總知都係做運動啦!)
遊完水返到o黎沖涼洗頭煮飯食, 食完應該12:30左右, 午睡到2點鐘!
由14:00到02:00, 十二個鐘全力做野(緊係home office啦…), 當中一個鐘食飯, 可以聽歌但係唔可以開電視! 一定唔可以!
02:00之後準備(目訓)覺, 平日日日如是!
星期五晚 (18:00之後)到星期六全日, 堅持唔做野! 約下朋友又好, 做乜都好, 唔做野!
星期日同平日一樣, 不過可以輕鬆一d, 為跟住落o黎既一個星期做好準備, 做好warm up!
咁公眾假期八號風球呢? 無! (home office 同八號風球有乜野關係呢?) 咁未做多好多日野? 緊係唔會… 我係呢度定義所有天朗氣清為公假, 是日休息! 點先為止天朗氣清? 總知都係個d望出窗口, 忍唔住會講一句：「嘩，駛唔駛咁好天呀．．．」個ｄ就係喇．我唔理, 陽光無價!
我估天朗氣清會比公眾假期+八號風球少掛….
我估咁樣我會過得開心好多…
* * * * *
覺唔覺得有d奇怪… 上面咁既工作時間理應長過正常人好多啦, 12小時x5.5日, 仲要係長長周, 點解都係覺得好似好奢侈咁既呢? 點解會做唔到呢?
* * * * *
呢個schedule, 好似有個Bug, 如果有女朋友, 唔知你想係邊個時候拍拖呢..係喎…amm….哎呀! 到時再revise啦…..!

中國加油!

2000年悉尼奧運, 美國如日方中, 最後以39面金牌拿金牌榜第一名, 那年, 中國只能得第三.
2004年雅典奧運, 美國依然以35面金牌高踞獎牌榜榜首, 而中國而超越了俄羅斯, 得了第二名!
今年, 2008年北京奧運, 比賽剛過了一半, 中國已得到39面金牌! 雖然說中國的衝金項目多在比賽前半部份, 但39面呀! 8年前美國都只有39面金牌… 中國真利害!
1932年, 洛杉磯奧運, 劉長春一個人代表中國參加, 也是中國第一次參加奧林匹克運動會!
1984年, 洛杉磯奧運 (對, 也是洛杉磯), 許海峰零的突破, 為中國取得第一面金牌!
2008年, 中國終於可以舉辦奧林匹克運動會! 劉長春的兩項遺願都達成了! 獎牌榜榜首… 我想他想也沒有想過吧…
中國加油!!

* * * * *
後記:
劉長春兒子回憶父親說：「當1981年中國女排奪得世界冠軍時，父親淚流滿面，徹夜難眠。父親的願望有兩個：一是中國人能在奧運會上奪得金獎，讓中國的國旗、國歌通過奧林匹克的運動場傳向全世界；二是中國有朝一日能舉辦奧運會。」
可惜他1983年就過身了…距離中國第一面金牌, 只差一年!
Readings:
2000年悉尼奥运会奖牌榜
雅典奥运完全奖牌榜
劉長春@維基百科

Translate Server Error

哈哈! 真係唔知講乜野好……XD

改名

本人姓陳, 今日忽發奇想, 如果他日有幸生兒育女, 男既我會改佢個名做「陳努」, 取其義希望他努力做人, 唔好好似佢老爹我咁終日懶懶散散…
英文名個欄我會寫 “Channel”!
如果第日有人睇佢講:「今次係Channel唔o岩」, 我會教佢答:「咁你未教返o岩 Lo」!
問題只係Channel.com一早俾人reg左既jack…而且要買起Channel.com應該有少少難度!
咁如果生女呢? 唔….我會叫佢做EL, 呢個字讀音”L”, 我未搵到個相對既中文字, 但係呢個唔係重點, 到時真係無大不了做字架jack, 當個 “Sir”字都可能係Wiki搵到, 有乜野做唔到?
英文名當然會係”Chanel”啦!, 而問題當然亦都係chanel.com俾人reg左, 而且買起佢個難度可能會比Channel.com再高多少少…
但係都有好處: 做Team杉既時候, 可以係件杉/風褸後面可以名正言順咁大大隻字寫住”CHANEL”!

我返黎喇!

個Server down 左成個幾星期, 終於都的幾心肝去攪dim佢! 其實我都唔係好明點樣攪dim, 總知開頭兩個鐘完全無進展, 最後兩個字一下子攪dim….我估D servers 趕收工掛…..