舞妓哈哈哈
呢隻DVD係三幾個星期之前, 係旺角買既, 同場有$40一套既Indiana Jones 1, 2, 3集日版Box Set, 仲有死亡筆記電影1,2隻又係日版既Box set — $20!, 無花無假無字幕, 我都無買, 竟然買左呢套$140既「舞妓哈哈哈!」哈!哈!哈!
買既原因係我記得好似睇Blog既時候有人講過好好睇, 又好似電影節想睇但係無睇, 最後原來兩款都唔係, 只係記錯….>.
The Matrix -> 造型 -> 功夫, 仲有好難食既晚餐
有無試過無啦啦想返睇某套戲? 即係個D明明睇左九萬幾次, 都係想睇個D呢…
今日就係咁喇, 無啦啦想睇返The Matrix, ok 丫, 聽日又唔駛返工, 睇未睇, 怕你呀?
我估呢個就係點解我會成日買DVD但係都唔覺得o徙喇….
* * * * *
究竟係邊個設計”The Matrix”D造型既呢?, 點解Neo同班友以至D Agents 會咁著架… 肯定唔係過左咁多年之後先覺得佢地D著得唔好睇, 我記得我一開始就有呢個感覺….
但係睇左咁多次套戲都係咁好睇, 你話故事幾重要呢…
會唔會係著得好睇D返而顯得佢地打得唔好睇呢….我估都係…
* * * * *
有無諗過功夫呢樣野好似中國/亞洲地方先有…其實都係打交既方法o者, D鬼佬就好似只係得西洋拳.呀!仲有西洋劍, 無喇, 咁以前佢地點打枚既呢?
定係中國D功夫都係金庸之後先有既呢?
* * * * *
係茶記食左個Dinner, 好難食, 而家仲有少少反胃…
* * * * *
P.S. 你知唔知Neo呢個角色原本係搵Will Smith做, 但係佢要做Wild Wild West所以推左, 再搵Nicolas Cage, 又唔做, 最後先搵奇洛李维斯做! 呢D未叫”The One”囉!
搵Will Smith我都明丫, 尼古拉斯基治!? 唔係掛….
How Nicolas Cage Nearly [...]
雞蛋抄飯
第一次整雞蛋抄飯係係05年, 係轉工期間有一個唔長唔短既假期, 日日係屋企自己煮自己食, 但係有一次煮多左飯, 第二日想用個電飯煲, 但係就仲有半煲飯, 食又唔係, 唔要又唔係… 唔知點算!
突然之間我聽到上天俾我既啟示:「抄….飯….」, 就係咁, 就整左我人生第一次既抄飯喇.
整法好好好簡單:
煮好左既飯: 唔一定要隔夜, 落少D水同埋”keep warm”耐一D就可以架喇.
雞蛋兩只 (點解會係只而唔係隻呢….唔知, 人地咁寫我咁寫…」打落個碗度, 攪暈佢
鹽
橄欖油少許
再將上面所有野放落個鑊度抄, 抄到自己覺得夠停就得喇, 真係自己覺得就可以架喇, 因為飯跟本就係熟既, 雞蛋黎講都唔會生得去邊, 所以抄到自己覺得開心就可以架喇!
就係咁, 一味求求其其既雞蛋抄飯就係咁就整好左喇…仲要出乎意料咁好食. 之後我整左好多次, 好少失手, 最多都係放多左鹽, 鹹左D既jack, 但係唔拍! 我有ZERO! 飲多兩啖就無事!
所以如果第日有邊間餐廳連雞蛋抄飯都整得唔好食, 唔好再去, 其他野肯定唔會好食得去邊!
將寫BLOG常規化 II
上次俾V串我, 話我剩係識放D Youtube係個Blog度, 懶到出汁…
都係既, 其實Blog既野都係寫俾自己睇, 同埋俾下各方好友知下自己做緊乜, 係咁放youtube不如自己去睇, 仲要多數都係人地睇過既tim…
但係無寫一輪, 文筆差晒… 我之所以用丈廣東話寫就係唔想寫出o黎不倫不類, 點知面家連廣東話都寫唔好, 不如都係寫文言文算喇…
好! 再對住我個mouse講, 我要寫好呢個Blog!
P.S.
請注意, 我兩篇「將寫BLOG常規化」既分類不約而同都係「吹水」呀下, 所以如果見我再就咁放youtube, 唔駛quote我呢篇野架喇!