Andrew June 29th, 2008
好多好多年前因為對模型既3分鐘熱誠, 拆資百幾個大洋買左個剪鉗, 一盒模型都無砌過就唔見左喇.
好多好多年之後, 砌模型既3分鐘熱誠又返返o黎, 模型買左, 但係因為掛住我個把剪鉗一直都開始唔到.
終於忍唔住買番同一把剪鉗, 一樣都係要百幾個大洋! 一樣係咁靚!
* * * * *
而我今日終於都無無聊聊咁搵左盒BB戰士模型砌左佢, 一個鐘都唔駛就砌好, 中間仲要煮左碗通心粉食 (而碗通心粉入面仲係有哇哇菜既添!)
當然仲要油顏色, 入左D BB戰士既專用筆未到, 到左試下上色先得!!
講你都未必信, 呢個好似係我第一盒(真係砌既)模型, 如果上到色, 就肯定係我既第一次喇!
真係:「我既一大步, 人類既一小步!」
PS 人地砌得有幾靚? 睇下呢度就知喇…: BB三國傳：蜀國又再一次強大了！關平登場！
Andrew June 21st, 2008
以下係一段我係circle K買雞尾包既時候既一段對話:
佢: 「多謝咁多咁多錢丫」
我: 「用八達通丫唔該」
佢: 「無問題..呢度丫唔該」… 都!…「剩番咁多錢(14.x), 唔知需唔需要增值呢?」
我: 「唔駛喇唔該」
佢: 「好, 多謝支持環保」
o岩o岩Link住個Circle K袋既我: 「o下? 哦…」
…..
Andrew June 19th, 2008
因為無聊, 所以買呢左隻85年既日本片 (其實我買左兩隻, 不過另一隻都係有機會睇左先講). 85年既時候我仲未識得去睇日本電影, 所以一D印像都無. 女主角原田知世我係見過既, 但係認識就唔係咁多.
套戲都算好睇, 起碼唔悶, 廿三年前喎, 唔覺悶, 唔覺老土, 入到戲好難得架喇! 而我仲要覺得幾好睇Tim!
故事簡單D講即係講初戀, 17歲既女主角沖野瞳 (原田知世)因為影相認識42歲既尾川(林隆三), 唔可以話係一見鍾情, 但係總知最後就係鍾意左啦, 食過兩次飯之後突然有一日係沖野瞳過左世既母親舊相簿見到尾川, 先知原來佢地廿年前係戀人, 但係因為尾川要去美國而分手.
沖野瞳因為父親因為公幹而忘記母親忌日, 再加上準備再婚, 而決定繼續忙母當年既一段情…
劇情就算過左咁多年都一D都唔老土, 而且好多地方都好合情合理, 好似沖野瞳因為想尾川知原來佢就係舊情人個女, 而愉愉地放左廿年前既一張相入尾川既公事包, 我個時就已經係到諗:如果俾我? 睇怕要一年半載先會見到. 果然, 最後係沖野瞳忍唔住打電話俾尾川提佢, 佢先知有張咁既相係公事包 (果然全世界既男人都係唔「汁」野架下)!
睇完之後上wikipedia睇原田知世, 原以為佢80年代之後就無乜點拍戲, 原來唔係喎, 而且唔止有, 仲要係差唔多年年都有! 我諗香港8/90年代之後都真係少日本戲上, 唔知買唔買到呢? 有機會去HMV睇下先…
最近角川先驅映晝館返出好多套8, 90年代既既日本電影, 我買左呢套同埋「超能校園美少女」, 睇完Tralier仲想去買埋「探偵物語」因為呢套係咁多套唯一一套我係見過但係未睇過既…. 買o黎睇下先!
Links:
原田知世
Andrew June 18th, 2008
琴日我一點多D既時候就已經諗住要去download, 點知個site死到七晒彩, 我仲估今日會download唔到tim…. 今朝我一早起身再試下啦, OK喎! 仲好怏下Tim!! 利害! 我download既時候,有1,98x,xxx個download, 家下再去睇, 唔夠廿分鐘就已經去到2,027,983喇, 真係好勁.. 我講既係佢地個server呀! 6.5個鐘2M download, 平均每秒85個download, 佢地個site既pageview起碼每秒4, 5百 (我似我呢D, download 完都去多幾次睇下有幾多人download 左啦…) Firefox唔係Google (見佢琴日死得咁勁就知啦…) 唔知佢地做左D乜呢….唔會剩係教大個mysql max-connection掛…..
好野! 加油! 我估我咁多個願望都可以實現喇!
Link:
- Previous posts
P.S. 同左一陣, 好用! 好似真係快左, 靚左, 個樣Mac左, 而且真係secure左, 我去我自個個admin site, 因為張cert係假既 (我自己信咪得囉…) 以前只係warn一warn, 家下出error page, 一定要我加exception先得… 好似server咁, 係煩D, 不過都好既, 起碼再去唔駛再次次click confirm丫…
可惜既係都係唔support 3 finger swipe, Firefox! 呢個真係好好用架, implement 啦!
唔知Windows版係點既呢, 等我幫我部pc 裝埋先!
Andrew June 18th, 2008
哇哈哈!我做到喇! 12:10am, 都未開始(聽講一點開始), 佢就瓜左喇, 死係mysql - too many connection 真係唔低! 哇哈哈哈哈!
Andrew June 17th, 2008
仲有一日Firefox 3就正式Launch, 我開始留意FF3只係因為我用緊既FF2好似唔係好穩定但係又好似無乜update咁..但係又唔係太鍾意用Safari, 唯有寄望FF3.
聽講FF3用左卅幾個月去Implement, fix左萬幾個Bug.. 呢D對我一D吸引力都無 (我試過兩日一個人fix 60幾個Bug, 好多時個D所謂Bug, 有一半係重復既, 另外有一半係fix一個就自動fix埋其餘個幾十個….), 我反面希望佢support mac機可以support得好D, support gmail 又support 得好D, support中文又support得好一D…..
FF3為左可以多D人用, 整左個Download Day, 企圖可以破單日最多人下載軟體既健力士世界紀錄! 咁又唔同玩法喇!
家下我有3個諗法:
1. 希望FF3可以成功入到健力士世界紀錄.
2. 希望我可以成功入到健力士世界紀錄.
3. 整瓜佢個download site…
是但一樣成功都可以!
Link:
Firefox 3 Download Day
Firefox 3 鐵定將於6月17日發佈改善JS引擎 執行Gmail快兩倍?!
Andrew June 15th, 2008
走左去買風扇, 拿!唔知點解會係我間房入面試, 而且把風扇仲會周圍走, 個sales話咁做可以將D風平均咁帶到去間房既每一個角落, 而且仲好Q Tim….
但係最後我都係無買到, 因為條友仔(風扇)竟然係行到去個冷氣機個度既時候, 伸手(!?)開著個冷氣機, 之後就咁停左係度….
….
我估如果係現實生活我反而會因為佢識伸手開冷氣而買左佢…..
Andrew June 12th, 2008
有無呢樣野既呢?
一直都希望可以幫自己打工, 目的就係希望做一份會做得開心既工 — 多D自由, 完全投入, 心甘命抵咁做, 搏晒老命咁做…
但係到時又係唔係真係可以咁呢? 定係by definition, 返工就一定係唔會開心既呢…..
起馬而家做既呢份工就一定唔係會做得開心既工…
* * * * *
* * * * *
唔好話天氣好去Hea, 就算星期六,日 / 假期去旅行Hea都好似唔係好可以俾社會接受 — 我試過請左兩日假返到黎俾朋友問:「去左邊度玩呀?」 我答:「主力係屋企Hea, 你睇下我身上面呢D青苔, 就係呢幾日”Oul”出O黎架喇」佢俾左個奇怪既表情我, 大至上唔係話「唉, 社會寄生蟲」就係「車, 唔講未算囉」…..
* * * * *
有無可能係英國埴民地時代, 佢地為左可以去Hea, 而訓練到我地唔做晒D野會唔安落呢? 情形就好似以前D奴隸咁, 你無啦啦對佢好D, 佢會驚到跪係度呢? 我估都係…
* * * * *
P.S. 上面個幅圖係我係Google打 “good weather park” 搵到既, 咁都俾我搵到, Google真係勁, 原文係呢度: Free WiFi in Dufferin Grove Park, just in time for good weather
P.S.2 原本因為返工唔開心, 被同事係背後插左野想發下LoSo, 點知講講下唔知講左去邊…車, 寫Blog姐, 離題唔扣分架!
P.S.3 吹水想話買部PS3, 被所有人反對, 原因係:1. Wii好玩D, 2. XBOX360 多D Game, 晝面靚D…當我再考慮Wii/XBOX既時候再被反對, 原因係:「PS3剩係買黎睇BluRay都抵啦!」, 又好似好有道理咁喎…..
Andrew June 11th, 2008
