生日快樂
今日友人生日, 我係度祝佢福如東海, 壽比南山, 一年靚過一年, 一天正過一天….
合味道 x 7-Eleven
我住緊o既屋宛都真係無乜唔好, 個商場又多玩具, 隔離又係公園, d餐廳整o既野都算過得去, 遲d仲有間太興添! 但係間7仔就真係有少少…. 嗱! 唔好講其他, 就攞合味道o黎講丫, 有乜野可能會無雞肉味架… 算! 就當得我一個鍾意食雞肉味, 都無可能得剩係得海鮮架…
「唔好意思呀, 請問點解你地d合味道剩係得海鮮味o既? 會唔會試下入多幾款呢?」
「有丫, o個度有成三四款呀…」
「唔係喎, 你o個四款分別係海鮮, 香辣海鮮, 咖哩海鮮同埋…周埋呢個呢個…XO醬海鮮!?…即係…會唔會考慮入下其他呢, 就咁咖哩都好丫… >.
Eat. Fuck. Music.
今日係D-mop見到件女裝Tee(我估係Tee啦, 雖然比Tee長少少, Slim cut..), 黑色o既, 上面寫住
Eat.
Fuck.
Music.
好得! 我就咁睇住件Tee都心動, 如果比我係街見到有個女仔著(而又著得好睇o既話), 我估我可能會愛上佢..