貓貓下巴成日生「鬚」… fb 「iTrust 線上獸醫諮詢」教左以下呢個方法，等我遲下同幾隻野試下先
———–水＋雙氧水＋優碘 （1:1:1）————
“水“用水喉水就得，雙氧水一般都係30%既，但係都請你買既時候睇下個濃度，優碘其實都係一種碘酒，但係不含有酒精既成份，一般都叫providone或者betadine，去藥房買就有。這個配方要用時先溝，溝一dd夠用就得，唔好溝一大樽，因為隔2個鐘就會變質。呢個消毒藥水，用棉花去塗，直接塗係個粉刺度，跟住抹到差唔多八九分乾淨就得，跟住就用毛巾沾清水抹走d藥水，千其記得，抹乾淨之後，要抹走o左d消毒藥水，一般都係用好溼好溼既毛巾去抹就得，唔使用水洗。你洗既時候就會發覺個黑頭（粉刺）會俾你整落，但係因為雙氧水會傷皮膚，唔好抹得太用力，抹到皮膚損左喔！咁樣大概三日到七日整一次就得
今日Lunch既時候, 見到商務做緊匯豐八折, 我知所以有匯豐信用卡, 原因只係得呢一個, 二話不說, 即刻周圍睇下有乜野可以買… 雖然真係唔多….
無野想買唔係因為商務無書, 而係因為最近買左部Kindle, 同九萬幾本英文書, 家下見到都有D想嘔…
最後買左本《蔡瀾眼中的八婆與美女》, 係商務睇左一陣, 好似幾好睇咁…. 就咁就買左喇, 折實$54.4, 仲可以簽卡!
話時話, 商務明明寫最低五折… 但係我搵極都係得一本成本字典咁厚既唔知乜野management manual.., err… 咁你都可以話最低五折既….
一個我近期最喜歡既廣告:
Youtube: http://www.youtube.com/watch?v=_SUOGVLYK5g
原本一開始睇既時候, 我都真係有媽媽聲, 點知… 哇! 好似個女仔咁叫左出O黎!!
呢D先叫創意丫馬… 我仲係係TVB做林峰套《神探伽俐略》既時候見到既添….
唔知Gatsby呢個廣告, 靈感係唔係O黎自盧海鵬既呢?
哈哈哈哈.
《戰神》，是一套特攝電影，於1976年公映，在香港上影時稱為《香港大災難》。當初的宣傳口號為「中國影壇有史以來耗資千萬金元，第一部特技神怪災難電影！」。
網民一度無緣觀看這套1976年的台灣電影：因為當地電影資料館找不到這套片的存檔，但網民也能從當年的剪報和宣傳海報等窺探一二。
直到2010年，香港導演彭浩翔親自到台灣找到當年一位投資此電影的老闆，在彭不停游說下，該電影老闆終找到最後一個關公大戰外星人的拷貝（孤本），交由彭浩翔進行數碼復修及重新配音，擬於2010年底上映
戰神_(電影) – 香港網絡大典
1976年…我…我出左世喇喎, 仲好似係台灣Tim, 點解我會未聽過既… 好似….會好好睇咁喎, 彭浩翔! 努力呀!
由於亞視是直播關係，因而犧牲了廣告時段，葉家寶說：「沒有預算損失幾多，我們以觀眾興趣為大前提，不計成本，令觀看睇一個真正頒獎禮。」對於得獎者不時提TVB，「我們不介意，也沒有講明不可說甚麼，無做小動作，實際上他們是TVB出身，多謝人毋須避忌，我們比較大方。」
亞視「臨尾一擊」終贏無綫 – 香港新浪網
雖然亞視講呢番說話唔一定係真心, 雖然可能佢係因為知道我地想聽先講乜… 但係呢段說話的而且確係最接近我想要一間電視台可以為我到既野, 起馬我覺得亞視知我要乜!
相對於無線, 我就真係唔知佢想點喇… 唔好講到要佢為左我地而「犧牲了廣告時段」咁大喇, 最起馬你都用下個腦丫! 舊年金像獎, 你有乜野可能會cut左最佳女主角鮑起靜講既野, 你有乜野可能要cut蕭芳芳係終生成就獎蕭芳芳既致辭, 最攪笑你連吳君如開鮑起靜玩笑 (佢話我地今晚有香港既代表, 有中國既代表, 仲有亞洲(指鮑起靜)既代表 (大意)) 都cut??? 你有無咁小氣呀?
你要明白你只係一間轉播單位, 除非內容法, 如果唔係你有乜野資格同我地決定我地可以睇乜唔可以睇乜? 你講?
聽講今日亞視俾人入稟申請清盤, 希望佢可以大步檻過啦!
亞視! Good Show!!
爾冬升怒轟無線亂剪鮑起靜金像獎感言片段 – 香港新浪網
睇左葉問2個Trailer, 個感覺都幾好丫, 係就係商業重D, 咁人地又真係商業片O黎家馬… 我幾鍾意甄子丹同洪金寶呢場. 希望葉偉信會拍得好睇啦….
***
不過我覺得葉問2個Trailer拍得有D似 Street Fighter IV個Tailer… 可能係因為D墨既感覺似啦. 除左似SF4, 我仲覺得似霍元甲可能都係打外國人, 唔知係正史定係作既呢? 不過都係個句啦, 希望拍得好睇啦.
***
Trailer入面有一句: 「但係我地作為人地既帥父, 係唔係要好好地先教好自己既徒弟呢?」, 其實呢句講得有D怪..但係又好上心喎! 我都幾肯定我之後會成日拎O黎玩:
「但係我地作為人地既PM, 係唔係要好好地先教好自己既Programmer呢?」
「但係我地作為個Program既Programmer, 係唔係要好好地先Define好個D Variables呢?」
等等… 
***
其實每次見到葉問, 都幾替王家衛同梁朝偉擔心, 無論你拍得幾好睇都好, 人地都拍到第3集喇.. 仲好似話有電視版添…….到時見到個名都厭啦, 仲點叫人去睇?
但係我估我都會想去睇既. 因為我覺得佢地應該可以拍到D完全唔同既野出O黎, 我都想開下眼間, 睇下可以點拍…. 其實呢一類型既戲, 幾十年都係咁上下, 葉問2, 霍元甲, 黃飛鴻系列甚至李小龍時代既唐山大兄都係同一種拍法, 希望王導演可以突破到啦….
葉問2 Trailer
Street Fighter IV Trailer
主唱：陳奕迅
作曲：Vincent Chow
填詞：黃偉文
編曲：Gary Tong
監製：Alvin Leong
過去十八歲 沒戴錶 不過有時間
夠我 沒有後顧 野性貪玩
霎眼廿七歲 時日無多 方不敢偷惰
宏願縱未了 奮鬥總不太晚
然後突然今秋
望望身邊 應該有 已盡有
我的美酒 跑車 相機 金錶 也 講究
直到世間 個個也妒忌 仍不怎麼富有
用我尚有 換我沒有 其實已 用盡所擁有
曾付出 幾多心跳
來換取 一堆堆 的發票
人值得 命中減少幾秒 多買一隻錶
秒速 捉得緊了
而皮膚竟偷偷鬆了
為何用到盡了 至知哪樣緊要
勞力是 無止境
活著多好 不需要 靠物證
也不以高薪 高職 高級品 搏尊敬
就算搏到 伯爵那地位 和蕭邦的雋永
賣了任性 日拼夜拼 忘掉了為甚麼高興
曾付出 幾多心跳
來換取 一堆堆 的發票
人值得 命中減少幾秒 多買一隻錶
秒速 捉得緊了
而皮膚竟偷偷鬆了
為何用到盡了 至知哪樣緊要
記住那 關於光陰的教訓
回頭走 天已暗
你獻出了十吋 時和分
可有換到十吋金
還剩低 幾多心跳
人面跟 水晶錶面對照
連自己 亦都分析不了 得到多與少
也許 真的瘋了
那個倒影 多麼可笑
靈魂若變賣了 上鏈也沒心跳
銀或金 都不緊要
誰造機芯 一樣了
計劃了 照做了 得到了 時間卻太少 no~
還剩低 幾多心跳
還在數 趕不及了
昂貴是這刻 我覺悟了
在時計裏 看破一生 渺渺
From 小奧堅詞
我承認我無聽903之後, 的確係out左好多…特別係搬左新屋之後因為無hifi, 幾乎成年無買過廣東CD, 更加唔知呢個世界變成點…..
我都知 《如果我是陳奕迅》舊年好hit, 但係其實我一次都無聽過, 如果唔係琴日係youtube有人整左隻《如果我是陳振聰》我都唔會無啦啦去聽呢隻歌, 唔聽無事, 一聽就停唔到! 返屋企之前仲買左隻 《Like Black》… 雖然好明顯我係買錯左… 我應該要買既係 《If I am…》, 因為《Like Black》係新碟, 入面既《如果我是陳奕迅》係mix版同國話版, 我就鍾意原裝多一D… 不過好彩呢隻都ok好聽 
今日去買多隻《If I am…》先… 同埋竟然有D想買返隻陳奕迅聽下….
睇完呢個廣告, 諗起 《Love Actually》…
係喎, 就O黎情人節喇喎
其實如果情人節商業味無咁重, 都係一個溫馨既節日O黎既…
呀! 想睇《全城熱戀熱辣辣》, 希望好睇啦…
